Diqqətinizə çatdırmaq istəyirik ki, hal hazırda agentliyimizdə calışan rəhbər və media şöbəsindəki yoldaşlar 1998 ci ildən Azərbaycanda media sektorunda çalışmış təcrübəli insanlardır. Hal hazırki şirkətimizin rəhbərinin 1998 ci ildə Azərbaycanda BURÇ FM radio stansiyasının açılması və ilk gündən bu günə gəlməsində aparıcı rolu olmuşdur. 2000 ci illərdə həmin radionun reklam şöbəsinin rəhbəri hal hazırda bizim agentliyin media şöbəsində rəhbər olaraq çalışmaqdadır. Başqa 2 əməkdaşımız Azad Azərbaycan radio və televiziyası açıldığı gündən etibarən 3 il orada reklam şöbəsində fəal işçilər olaraq çalışmış və iş bacarıqlarını yetərli qədər sübut etmişlər.

  Şirkətimizdə media sahəsində çalışan əməkdaşlarımız radioda çalışdıqları vaxtlar mütəmadi olaraq türkiyəyə ixtisaslaşma və təcrübə kurslarına göndərilmiş, orada Samanyolu telekanalında böyük media təcrübəsi toplamışlar.

   Hal hazirda agentliyimizdə çalışan əməkdaşlarımız 2004 cü ilə qədər başqa radio və telekanallarda çalışmaqlarına baxmayaraq Azərbaycan media sahəsində bir çox boşluq və çatışmamazlıqları gördük. Elə bu məqsədlə də Azərbaycanda düzgün fəaliyyət göstərəcək, müştəriyə doğru və faydalı media planı göstərəcək və operativliyi ilə nümunəvi bir media agentliyi qurmaq qərarına gəldik.

   2005 ci ildə rəsmi qeydiyyatdan keçən “DigiArt Media” çox qısa vaxt çərçivəsində özünə geniş müştəri çevrəsi toplayaraq keyfiyyətli və çevikliyi ilə onların güvənini qazanmağa və bu günə qədər onları daimi müştəri siyahısında saxlamağa qadir olmuşdur.

    İlk günlərdən media satınalma, media planlama və media monitorinq xidmətləri ilə fəaliyyət göstərən şirkətimiz öz müştərilərinin məmnun qalmaları üçün başqa reklam tələblərini də qarşılamaq...

   Şirkət əmək fəaliyyətini müştərilərin iş qrafiki ilə uyğunlaşdıraraq, vaxt itkisi vermədən, sifarişçinin istəyinə uyğun səriştəli və peşəkar qurur.Reklam çarxlarının istehsalında sadəcə yerli kadrlarla deyil həm də xaricdəki istehsalçılarla da həm creativ həm də texniki məsələlərdə iş birliyimiz ola bilir. Biz agentlik olaraq sifarişi alıb onun ideya və senarisindən asılı olaraq çəkilişə dəvət edəcəyimiz qrupu təyin edirik (rejissor, operator,işıqcı,aktyorlar, qrim ustası və s) ki, bu da reklam bazarında gordüyümüz işlərin eyni dəbli olmadığını təsdiqləyir. İş əsnasında müştərinin istəyinə tam riayət olunması üçün sifariş müştəri ilə interaktiv əlaqə vasitəsilə həyata keçirilir. Hər bir məhsulun başlanğıcı (mətn, ideya, üslub, işin görülmə tərzi) və tam hazır məhsul (film, reklam, mətn və kadrlar) sifarişçi tərəfindən təsdiq olunduqdan sonra professional kassetlərdə sifarişçiyə təqdim olunur.